اولى حلقات كرسى الاعتراف مع العضو dodyman

اهلا بيك معانا يا dodyman

منور الحلقة و المنتدى

النهاردة و لمدة اسبوع من دلوقتى انت ضيف كرسى الاعتراف

الاول كدة شوية اسئلة فى السريع

خد عندك ياجميل

اولا عايز اعرف زى بطاقتك الشخصيه كده ...
يعنى اسمك بالكامل .. سنك .. منين .. بتدرس ايه ... عندك كام اخ.. كام اخت ..

2- ايه امنيتك فى الحياه

3- ايه هدفك الحالى .. وهدفك المستقبلى

4- ايه حكمتك المفضله

قولنا بقى يا دودى ايه اغنيتك وفيلمك المفضلين

1- الاسم : امير محمد احمد المنطاوي

2- تاريخ الميلاد : 3/2 /1984

3- محل الاقامه : دمياط فارسكور.

4- المهنه : طالب في كليه التربيه جامعه الاسكندريه فرع مطروح الفرقه الرابعه .

5- عدد الاخوه : اخ اكبر واخت اصغر .

6- امنيتي في الحياه : بمنتهى الامانه انا لو قلت ان لي امنيه واحده اكون كاذب بس انا اتمنى اني اكون انسان محترم وكويس مستور الحال واني اتزوج الانسانه اللى بحبها وابني بيت صغير سعيد وانجب اولاد اتقى الله في تربيتهم اعتفد انها امنيه صغيره على ربنا ادعولى تتحقق .

7- هدفي الحالى وهدفي المستقبلي اعتقد اني جوبت عليهم في الامنيه .

8- حكمتي المفضله : افعل يا ابن ادم ما شئت فكما تدين تدان

اما يا زوزو اغانيا المفضله الاغاني اللى فيها احاسيس والهاديه سواء كانت قديمه او جديده وافلامي المفضله اي فلم هادف استفيد منه بس

ملحوظه يا جماعه ::::

احب اشكر المشرفه الجامده جدا ايمان على المجهود الكبير اللى هي عملاه واتمنى ان الكل يجلس مكاني على كرسي الاعتراف حتى نصبح عائله واحده شكرا كمان مره يا ايمان وكل الاعضاء وجزيل الشكر للاسلام اللى جمع العائله الكبيره دي واتمنى ان كاريزما يوصل للقمه بيكم وكل سنه وانتو بالف صحه وخير بمناسبه شهر الصيام يمكن ما اكونش موجود معاكم

شكرا على الكلام الجميل

و ان شاء الله كل الاعضاء يجلسو مكانك

وكل سنه وكل اعضاء كاريزما بخير

وخد عندك يا امير الاسئله دى

1 - انت عصبى ولا هادى ؟

2 - بتعمل ايه لما تغضب ؟

3 - ايه احسن اسم عضو عجبك معانا فى المنتدى ... واحسن اسم عجبك فى اى منتدى تانى

4 - لو اكتشفت ان اغلى اصحابك بيحب حبيبتك هتعمل ايه ؟ ..( ياريت تجاوب وبلاش الهرب )

5 - لو اكتشفت ان حبيبتك لازم تبعد عنك عشان اى ظروف حصلت ( مش معنى كده انها خانتك ) هتعمل ايه ؟

6 - هل تؤمن بالحظ ؟ .. ولماذا ؟

7 - هل تؤمن بالقدر ؟ .. ولماذا ؟

8 - ايه رأيك فى الليل .. والنهار ... وايهما تفضل .. ولماذا ؟

9 - ايه هو اهم قرار اتخذته فى حياتك ؟

10 - ايه اكتر قرار ندمت عليه فى حياتك ؟

11 - صف شخصيتك فى خمس كلمات...

وكفايه كده النهارده
يارب اسئلتى متكونش ضايقتك

شكرا ليكي يا ايمان وانا عمري ما بدايق فعلا من اي سؤال والا ما كنتش طلبت اني اكون على الكرسي .

1 : انا احيانا اكون عصبي جدا واحيانا اكون هادئ جدا بس هادي اكتر .
2 :لما بغضب بحاول اغير المكان اللى انا فيه واغني واهزر وكده .
3:بصراحه الاسامي مش با اخد بالي منها اوي لاني بحب انظر للانسان واللي جواه مش لاسمه ودا طبع فيا .
4: اعز اصحابي ازاي وهو بيخوني مش تيجي ولو حصل لا هو صاحبي ولا هي تنفع تبقى حبيبتي ولعلمك مش ها يكملو .
5: السؤال دا كانك معايا دلوقتي لان دا حصل بجد في ظروف تمنع حكايتي من انها تكمل بس انا بحاول اغير الظروف دي ولو ما اقدرتش دا قدر ربنا انا اصلا طول عمري وحيد مش ها تفرق معايا كتير بس اكيد ها تزيد وحدتي اكتر لان انا عارف ان مش كل حكايه حب بتستمر .
6: الحظ موجود ولكن اللى يعتمد عليه بس يضيع ... لان لو بصيتي للناس ها تلاقي اتنين بيعملو نفس الحاجه وواحد بينجح والتاني بيفشل مع ان المقومات واحده بس الحظ مش واحد .
7: القدر طبعا اؤمن به ..لان القدر دا من عند ربنا فلازم اني اومن به من غير ما افكر .
8: الليل والنهار ... ايتان من ايات الله .... النهار للعمل الليل للراحه والحب والاسترخاء انا عمتا احب الاثنين لان الحياه مش كلها راحه لابد من العمل بس انا بحب السهر شويه بس بصحى بدري .
9: اني احب دا كان اهم قرار في حياتي والنجاح دا اترتب على الحب .
10: الحب بردو لانه اصبح فراق ودا المني اوي .
11: مؤمن , طيب , مرح , اعتقد زكي جدا( ولو ممكن تتفهم على اساس اني مغرور) , احب الايثار.
بجد انتي مش ضايقتيني انتي بجد خلتيني اطلع كل اللى جوايا مش عارف ليه بس احنا قولنا اللي يكون على الكرسي يجاوب بصراحه ....
شكرا ليكي واتمنى ان اكون جاوبتك صح .
وفي انتظار المزيد ........ .

في انتظار المزيد

انـــــــــــــــــــــــــــا عايـــــــــــــــــز اشتــــــــــــــــــــرك لو سمحتـــــــــم
وشكــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــرا

الدولة الاولي عالميا بالنسبة لك ؟؟
هل تؤمن بالحب ؟؟
هل تومن بكل ما تقول ؟؟ ام انها شعارات فقط !!!
هل تحب بلدك ؟؟ وما هو دليل ذلك الحب !!!
هل تفضل خسارة حبيب ومكسب صديق ام العكس ولماذا ؟؟
اتمني ان لا تغضب من اسئلتي فانه برنامج ومجرد دردشة
وشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــكرا

خلاص كده يا dodyman

اولا بشكرك لانك اول عضوعلى كرسى الاعتراف

و بتمنى ان الاسئله متكنش ضيقتك

ويترى مين الى هيكون بعــــــــــــــــــــدك!!!!!!!!!!!!

انا مستعد للجلوس علي كرسي الاعتراف
بس امامكم يومين فقط للاسئلة لاني رايح الجيش
اوك اللي عنده سؤال انا تحت امركم
تحياتـــــــــــــــــــــــــــــــــي

اوكى

مورو على الكرسى

منور الحلقه و المنتدى

جاهز يا مورو

النهارده و لمدة اسبوع من دلوقتى انت ضيف الكرسى

الاول شوية اسئله فى السريع

خد عندك يا مورو

اولا عايزه اعرف ذى بطاقتك الشخصيه كده ...

يعنى اسمك بالكامل .. سنك .. منين .. بتدرس ايه ... عندك كام اخ.. كام اخت ..

2- ايه امنيتك فى الحياه

3- ايه هدفك الحالى .. وهدفك المستقبلى

4- ايه حكمتك المفضله

كفايه كده دلوقتى و هارجع تانى

اولا انا بشكرك يا جميل علي استضافتي في الموضوع الجميل ده

الاسم : حمادة مورو
السن : 21 سنة
المؤهل : ليسانس اداب تاريخ خريج 2007
العنوان : شبرا الخيمة
الاسرة : اخين اولاد اكبر واصغر انا الاوسط مفيش بنات
امنيتي في الحياة : بصراحة كده رضا ربنا واهلي واصدقاءى عليا
هدفي الحالي : اكون مرشد سياحي ان شاء الله
هدفي المستقبلي : تكوين مجموعة شركات مورو للسياحة
حكمتي المفضلة : ان لم تزد علي الحياة شئيا فانك زائدا عليها
الحياة امل ..... التميز اساس النجاح

انا من المعجبين بوضوعات مورو وبحب اسأله :

اولا : حبيت قبل كده ؟؟
ثانيا : مطربك المفضل ومطربتك المفضلة ؟؟
ثالثا : تؤمن بالحظ ؟؟
رابعا : ندمت علي فراق صديق ؟؟

وشكرا مورو مستني ردك

احب اشكر النمر الجميل علي الاسئلة بتاعته

اولا : بصراحة حبيت بس معبرتش للي بحبه
ثانيا : مطربي المفضل (( عبد الحليم .. منير )) والمطربة (( اصالة ))
ثالثا : لا نهائي .. لاني بعترف ان الانسان المحظوظ هو من يصنع حظه بنفسه (( الاعتماد علي الحظ ليس امرا مضمونا فانه اذا حالفك مرة سيتركك مرات ))
رابعا : بندم لما يكون كويس وازعله .. واندم لما يكون وحش واعرف متاخر انه وحش

اولا يا مورو كويس جدا انك وقعت تحت الكرسي عشان نعرف نعصرك
قولي يا حلو
( 1 ) ايه رايك في الدنيا قولها في كلمة واحدة ؟؟
( 2 ) بتحب السفر ؟؟
( 3 ) تتمني ان يكون لك اخت بنت ؟؟
( 4 ) ايهما تفضل البنت البيضة ام السمرة ؟؟
( 5 ) بتحب صداقة المصلحة ؟؟
( 6 ) ايه رايك في الحب ؟؟

اتمني الرد علي الاسئلة يا مورو وشكرا

اولا بحب اشكرك يا جميل علي كلامك واسئلتك الجميلة

( 1 ) الدنيا مأزق
( 2 ) جدا جدا
( 3 ) كنت بتمني بس مع الوضع الحالي واللي بشوفه لا
( 4 ) الاخلاق الكويسة مش شرط اللون ( الحب لا يعرف الالوان )
( 5 ) لا نهائيا بكرهها موت
( 6 ) كلمة جميل بس للي يفهمها ويحس بمعانيها

مورو قولي بقي يا جميل :

اولا : افضل لاعب بتحبه ؟؟
ثانيا : اي هو برجك ؟؟
ثالثا : افضل فيلم شاهدته عام 2007 ؟؟
رابعا : اقرب صديق في المنتدي الي قلبك ؟؟
خامسا : احب صديق واعز صديق لك في الحياة ؟؟

مستني ردك يا جميل وشكرا

ميرسي علي الاسئلة يا باشا والاهتمام بيا

اولا : بحب محمد شوقي
ثانيا : القوس
ثالثا : مرجان احمد مرجان
رابعا : بصراحة تايكو
خامسا : صديقة رحلت الي كندا

ممكن اشترك ف كرسى الاعتراف

شكرا يا مورو على اعترافاتك

نورت الكرسى

و بتمنى ان الاسئله متكنش ضيقتك

ويترى مين الى هيكون بعــــــــــــــــــــدك!!!!!!!!!!!!

اوكى

فيروز على الكرسى

منوره الحلقه و المنتدى

النهارده و لمدة اسبوع من دلوقتى انتى ضيفة الكرسى

جاهزه يا فيروز

الاول شوية اسئله فى السريع

خدى عندك يا قمر

اولا عايزه اعرف ذى بطاقتك الشخصيه كده ...

يعنى اسمك بالكامل .. سنك .. منين .. بتدرس ايه ... عندك كام اخ.. كام اخت ..

2- ايه امنيتك فى الحياه

3- ايه هدفك الحالى .. وهدفك المستقبلى

4- ايه حكمتك المفضله

كفايه كده دلوقتى و هارجع تانى

1_الاسم : فيروز محمد احمد

2- تاريخ الميلاد :1/6 /1989

3- محل الاقامه : رشيد البحيرة.

4- المهنه :طالبة فى كلية العلوم جامعة الاسكندرية الفرقة الاولى.

5- عدد الاخوه :اخ اكبر منى ومفيش بنات بس.

6- امنيتي في الحياه : بصراحة هى مش امنية واحدة هما انى اتمنى ان ربنا يوفقنى ان شاء الله ف الكلية وادخل قسم حيوان او نبات وبعد كدة اتخطب لاانسان محترم ومتفاهم ومتدين بس مش متعصب يعنى عادى ويكون زىاخويا بالظبط بس يكون مهندس عشان بجد بموت ف حاجة اسمها المهندسين وخاصة الكمبيوتر والميكانيكا.

7- هدفي الحالى وهدفي المستقبلي ربنا يوفقنى ف الكلية دى اهم حاجة عندى دلوقتى .

8- حكمتي المفضله : لا تعطى شىء يستحق الى انسان لا يستحق .اذا اردت شيئا بشدة فاطلق صراحة فاذا عاد لك فهو لك من البداية واذا لم يعد فهو ليس لك.

9_السن: 18 سنة
بجد بشكرك اووووووووووووووووووى ياايمان ع الاسئلة وانا بجد سعيدة جدا انى بلاقى حد يسالنى كدة

العفو يا فيروز

يالا نبدا بقى الاسئله

1 - اكثر موضوع لفت انتباهك فى المنتدى وقراتيه اكثر من مره من شدة الاعجاب ( فى المنتدى عموما )

2 - العضو الذى لفت انتباهك فى بداية اشتراكك فى المنتدى ؟ ( وبلاش تقولى كلكم والكلام ده ونبى )

3 - الصداقه ماذا تمثل لكى فى الحياه الواقعيه ؟

4 - ايه افضل ميزه تحبيها فى اصدقائك ؟

ما رأيك فى الاْقوال الاْتية :
1ـ الاْدب الكثير مع العلم القليل خير من العلم الكثير مع الاْدب القليل .
2ـ لو قال كل انسان ما يفكر فية بصدق فإن الحوار بين البشر يصبح قصيراً جداً .
3ـ قلب الاْحمق على لسانه ولسان العاقل فى قلبه .
4ـ الحُب طفل صغير لا يعرف إلا كلمتين .....( عايز كمان ) .
5ـ هناك فرق كبير بين من يريد أن يقرأ كتاباً ومن يريد كتاباً ليقرأ
6ـ الحُب الحلال حلال والحُب الحرام حرام .
7ـ إذا زاد المرء علم قل ادعاءه ... وإن قل يوماً ضلَََ وادعى .
8 ـ عبقرية المرأة فى قلبها .

- ايه اكتر حلم حلمتيه فرحك اوى وياريت لو توصفيه

- ايه اكتر حلم شفتيه ازعجك اوى وياريت لو توصفيه

- كلمه توجهينها من قلبك لاعضاء المنتدى

-

كفايه كده عليكى النهارده

ااه .. سؤال كنت هنساه ... ايه هو المستحيل فى نظرك ؟؟

يلا عايزين نشوف احلى اجابات